^圖：Meow

位於長洲專賣買芒果糯米糍的長洲平記，今午被發現將狗仔以時租50元出租，做法引起公眾不滿。前離島區議員梁國豪於社交平台指「睇住張相以為去左其他國家」，假設出租狗仔並沒有犯法，但質疑狗主如何確保租狗人士有照顧狗仔。

消息傳開後引起公眾熱烈討論，不少留言強烈指責狗主，指「不如佢租自己出去俾人玩下」，形容「租嗰啲人仲恐怖」。有街坊發起罷買，又呼籲動物組織跟進追究，狠評長洲平記「做生意做到發錢寒，根本就係良知問題」。

有長洲街坊接受本台訪問指，素來有與長洲動物義工聯繫，於網上知悉事件後認為事態嚴重，即時聯絡相關義工與長洲平記溝通。領養人向義工表示相中行為純粹「玩吓」，義工警告不要再有同類事情發生，亦要好好照顧狗仔。原來相中的狗仔僅兩個月大，較早前由長洲獨立動物義工於山上救回，數日前被長洲平記領養。

受訪者又指長洲人有長洲人的一套生活方式，一個島嶼內大家做甚麼比較容易發現及處理。跟進方面表示義工會密切留意及跟進領養人看待狗隻的情況，希望大眾不要因此事繼續追擊長洲平記。

前區議員梁國豪回應指，以前從未於長洲見過同類事件，形容「呢個玩笑真係難啲接受，最近虐畜事件係香港多左咗，好多街坊都擔心。」同時希望狗主日後會好好對待狗隻。

有街坊指出下午5時經過長洲平記時有見到相中狗隻，但當時並無見到寫有出租的紙牌，只見狗隻沒有佩戴狗帶，站於雪櫃頂。可能因為狗隻年紀尚幼未能站穩，稍有腳震的情況。對於狗主指「玩吓」表示「梗係唔接受啦，拎隻狗仔咁玩」，認為不論狗隻年齡如何均不應出租，對於租借動物的行為感覺絕不能接受。若果出租後有任何意外，小生命就此斷送，形容情況與室內寵物cafe不同。

過去在香港亦有出租寵物的情況，雖然在法律上暫時未有法例規管，但基於道德價值問題不被港人接受，至今並無普及。